Transcription
1
Monseigneur, suyvant ce qu’il vous a pleu me commander par votre lettre du vingt deux
2
du passé, incontinent qu’elle me fut randue, je fis veoir à ceux de ceste ville le
3
nombre des soldatz que je y ay retirés par votre commandement pour la seurté et
4
garde de leur ville, lequel je vous puys asseurer n’estre ny avoir esté moindre
5
de ce qu’il vous a pleu m’en ordonner, et plus oultre ce que la plus grand part sont gentz
6
d’eslite dignes de commander, n’ayantz oncques estés logez que par le moien de deux
7
forriers de ladite villes establis par les habitans dès le commencement de mon
8
arrivée, suyvant l’ordonnance de monseigneur de Dampville et ainsi le feray
9
continuer à la forme de votre ordonance. Je fis incontinent retirer Galhardi suyvant
10
votre volunté. Je n’ay rien faict faire au chateau de Pontaix pour ce que Achiles
11
David me dict qu’après votre lettre escripte, en aviez faict dresser la commission
12
au séneschal de robe courte. Quant à recevoir les catolizés à faire garde avec
13
mes soldatz, on m’avoyt dict de m’en bailher ung roolle, sur lequel je
14
vouloys adviser, mais despuys on ne m’en a parlé. S’ilz le font, je vous
15
advertiray de ce que j’aurez à faire. On faict bruict que certains huguenotz
16
des villages d’icy autour vont et vienent delà le Rosne veoir leurs complices. Or
17
quoy qu’ilz facent, nous faisons tousjours bonne garde, spérant si bien manyer les
18
affaires que ceste ville sera tousjours conservée soubz l’obeyssance de sa magesté
19
et à votre dévotion. Et sur ce, je supplie le Créateur qui vous doinct,
20
Monseigneur, en très heureuse santé, très longue et heureuse vie. De Dye, ce
21
Ve décembre 1572
22
votre très humble et très obéyssant serviteur.
23
Monlehuc
24
Je vous supplie prandre
25
en gré ce peu de gibier que je vous envoye, qu’est tout ce
26
qu’en ay peu recouvrer
27